Eusko Jaurlaritza

Eusko Jaurlaritza Euskal Autonomia Erkidegoko gobernua da eta egoitza nagusia Gasteizen du. Araba, Bizkaia eta Gipuzkoako lurralde historikoetan du eskumena. Jaurlaritzaren burua Lehendakaria da. Eusko Legebiltzarra edo Parlamentua da Eusko Jaurlaritzaren kontrola daraman erakundea, eta orobat lehendakaria aukeratzen duena lau urtero. Eusko Legebiltzarra lehendakariak eta honek aukeratutako sailburuak osatzen dute.

Eusko Jaurlaritza 1936an sortu zen, Espainiako gerra garaian, aurreneko lehendakari Jose Antonio Agirre izan zelarik. Autonomiak, ordea, ez zuen luze iraun: Francisco Francoren altxamendua nagusitu zenean, bertan behera gelditu ziren Euskadiko eta Kataluniako Autonomia Estatutuak. Franco hil eta diktadura amaitu zenean, trantsizio garaia ireki zen Espainian eta handik pixka batera Gernikako Estatutua onartu zen. Ondorioz, 1979an, berriro abian jarri zen Eusko Jaurlaritza, Carlos Garaikoetxea lehendakari aukeratu zutelarik.

Bulego nagusia Gasteizen dago kokatuta:

Eusko Jaurlaritzaren Egoitza (Lakua)
Donostia-San Sebastián, 1
01010 Gasteiz
Tlfnoa: 945 01 80 00
Web orria: www.euskadi.net